UA-199656512-1
top of page

শ্রীঅনুরাগবল্লিঃ

Updated: Sep 17, 2020



শ্রীঅনুরাগবল্লিঃ দেহার্বুদানি ভগবান্! যুগপৎপ্রয়চ্ছ বক্ত্রার্বুদানি চ পুনঃ প্রতিদেহমেব । জিহ্বার্বুদানি কৃপয়া প্রতিবক্ত্রমেব নৃত্যন্তু তেষু তব নাথ! গুণার্বুদানি ॥ ১॥

কিমাত্মনা? যত্র ন দেহকোট্যো দেহেন কিং? যত্র ন বক্ত্রকোট্যঃ । বক্ত্রেণ কিং? যত্র ন কোটিজিহ্বাঃ কিং জিহ্বয়া? যত্র ন নামকোট্যঃ ॥ ২॥ আত্মাস্তু নিত্যং শতদেহবর্তী দেহস্তু নাথাস্তু সহস্রবক্ত্রঃ । বক্ত্রং সদা রাজতু লক্ষজিহ্বং গৃহ্ণাতু জিহ্বা তব নামকোটিম্ ॥ ৩॥ যদা যদা মাধব! যত্র যত্র গায়ন্তি যে যে তব নামলীলাঃ । তত্রৈব কর্ণায়ুতধার্যমাণা স্তাস্তে সুধা নিত্যমহং ধয়ানি ॥ ৪॥ কর্ণায়ুতস্যৈব ভবন্তু লক্ষ কোট্যো রসজ্ঞা ভগবংস্তদৈব । যেনৈব লীলাঃ শৃণবানি নিত্যং তেনৈব গায়ানি ততঃ সুখং মে ॥ ৫॥


কর্ণায়ুতস্যেক্ষটকোটিরস্যা হৃৎকোটিরস্যা রসনার্বুদং স্তাৎ । শ্রুৎবৈব দৃষ্ট্বা তব রূপসিন্ধু মালিঙ্গ্য মাধুর্যমহো! ধয়ানি ॥ ৬॥ নেত্রার্বুদস্যৈব ভবন্তু কর্ণ নাসারসজ্ঞা হৃদয়ার্বুদং বা । সৌন্দর্যসৌস্বর্যসুগন্ধপূর মাধুর্যসংশ্লেষরসানুভূত্যৈ ॥ ৭॥


ৎবৎপার্শ্বগত্যৈ পদকোটিরস্তু সেবাং বিধাতুং মম হস্তকোটিঃ । তাং শিক্ষিতুং স্তাদপি বুদ্ধিকোটি রেতান্বরান্মে ভগবন্! প্রয়চ্ছ ॥ ৮॥ ইতি শ্রীবিশ্বনাথচক্রবর্তিঠক্কুরবিরচিতস্তবামৃতলহর্যাং শ্রীঅনুরাগবল্লিঃ সমাপ্তা ।

Be Inspired
bottom of page